Tregim suksesi  “Nature Gift”

Aulona Cenaj është njëra nga përfitueset e projektit ATAR 2, e cila falë këtij projekti hapi biznesin e saj “Nature Gift”, biznes i cili merret më përpunimin e mjaltit për qëllime konsumuese dhe synon që në të ardhmen të dalë në treg edhe me produkte bio-estetike nga mjalti. Me mjetet financiare të grantit, Aulona ka siguruar blerjen e 38 koshereve bletësh, centrifugën elektrike kasetore, dozerin për paketimin e mjaltit, bazën për heqjen e mjaltit, uniforma dhe paisje të tjera moderne për zhvillimin e veprimtarisë biznesore.

Edhe pse biznes i ri “Nature Gift” ka të punësuar dy punëtore që merren me trajtimin dhe mbarëvajtjen e punës në bletishte. Aulona synon që përkrah rritjes dhe zhvillimit të biznesit të rrisë edhe numrin e të punësuarve.
Së shpejti “Nature Gift” do të dalë në treg me mjaltë dhe produkte të tjera cilësore të cilat synojnë që të pasurojnë tregun e Kosovës me mjaltë vendore nga Rajoni i Deçanit .